АҞӘА, рашәара 12 – Sputnik. Урыстәыла атәылауаҩ Аԥсныҟа аҳәаа ахысра игәҭакны аӡы дырырц даҿын ҳәа аанацҳауеит Урыстәыла АшәМ аҳәаахьчаратә Усбарҭа апресс-маҵзура.
Иааныркылаз иажәақәа рыла, иара Гагра инхоз иуак иахь амҩа дықәын, "аԥсҭазааратә ҭагылазаашьа уадаҩ иахырҟьаны".
Иаанкылаз ихаҭара анышьақәыргылаха, еилкаахеит иара изныкымкәа ашьаусҭҵаара дшаҵанакхьо.
Уаанӡа, 29-шықәса зхыҵуаз ахаҵа Аԥсныҟа аушьҭырҭатә ҭыԥ "Адлер" ала аҳәаа аҭалара дшаҿыз даанкыланы ддырхынҳәхьан.
Уажәы аҳәынҭқарратә ҳәаа закәандарыла иахысразы иганахьала ашьаус хацыркуп.