Какалиа арасаҭрақәа ахәшә рықәҭәаразы: макьана ԥышәа ҳасабалоуп
© Sputnik
"Ростовтәи Россельхозцентр аусзуҩцәа Гәылрыԥшьи Очамчыреи рраионқәа ԥышәа ҳасабала арасаҭрақәа ахәшә рықәҭәара иаҿуп. Ахәшә иҷыдоу хәшәуп. Иара ахимиатә маҭәашьарқәа алаӡам, уаҩы иԥырхагаӡам. Россельхозцентр аусзуҩцәа арасаҭра абжа ахәшә ақәҭәан иаанрыжьит, жәамш раҟара иааԥшуеит, аҵиаақәа рхы шымҩаԥырго гәарҭоит. Ахәшә апты мацара акәӡам, аҿкы чымазарақәа зегьы анырра анаҭароуп ҳәа иԥхьаӡоуп. Анаҩс ахәшә аусураз иазыԥҵәоу аамҭа анцалак, Ростовтәи ацентр аусузҩцәа еиҭа иааны игәарҭоит. Усҟан еилкаахоит алҵшәақәагьы. Ари аусура хацыркуп ацентри ҳареи иҳабжьаҳҵаз аиқәшаҳаҭра иабзоураны", - ҳәа азгәеиҭеит Какалиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.