Мгәыӡырхәа ақыҭан имҩаԥысыз Леиаа рныҳәара

16:38, 21 Рашәара 2019
Sputnik

Леиаа рныҳәа ажәытәӡатәи аамҭақәа иргәылган еиқәырханы иааргоит иахьагьы. Ари аныҳәаҿы ихадароу аныхаԥааҩи ачакәаҳацәеи роуп. Аныҳәа амҩаԥгара идлоит шықәсык аҳамӷә зыҩнаҭаҟны иҟоу аԥшәма. Аҳамӷә иацуп ақәаби ачаҟәеи.

Леиаа рныҳәара: быжьҩык аҳәса цқьақәеи аныхаԥааҩи цҳаражәҳәаҩцәас измоу
21 Рашәара 2019, 16:06

Аныхаԥааҩ аныҳәарҭа ҭыԥ аҿы ашьтәақәа ҩба ишьуеит. Урҭ рҟынтәи руакы ауп дзыхныҳәо. Аҭыԥ ахь инеиуа ахацәа заҵәык роуп. Аҳәса агәыи агәаҵәеи "иԥшьоу ачеи" ргьама рбар ҟалаӡом. Ачакәаҳацәа хазы ирзалху аҭыԥ аҿы еидтәалоит. Урҭгьы хазы аныхаԥааҩ дрыхныҳәоит.

Амш зегьы ныҳәак еиԥш имҩаԥыргоит. Аилашәшәымҭаз ашәа ҳәо аҳамӷә шьҭыхны даҽа ҩнаҭак ахь иргоит. Уи уаҟа исаслоит ҳаԥхьа уажәаанынӡа.

Мгәыӡырхәа ақыҭан Леиаа рныҳәара шымҩаԥысыз иазку авидеонҵамҭа шәахәаԥш абра>>

 

1 / 18
Леиаа рныҳәаҿы ихадароу аҭыԥ ааныркылоит аныхаԥааҩи быжьҩык ачакәаҳацәеи.
© Sputnik / Томас Тхайцук
2 / 18
Ачакәаҳацәа агәырӷьа жәабжьқәа еибырҳәоит.
© Sputnik / Томас Тхайцук
3 / 18
Аныҳәа зыҟны имҩаԥысуа аԥшәма Захар Леиба иҩнаҭаҿы аҽазыҟаҵарақәа цоит.
© Sputnik / Томас Тхайцук
4 / 18
Амаҵуцәа абысҭа руеит.
© Sputnik / Томас Тхайцук
5 / 18
Аныҳәарҭа аҭыԥ аҿы ихаланы, аџьмашьтәақәа ирыхныҳәаны иршьуеит.
© Sputnik / Томас Тхайцук
6 / 18
Ашьтәа аԥсы шҭоу арӷьа шьапала икнарҳауеит.
© Sputnik / Томас Тхайцук
7 / 18
Ачакәаҳацәа "иԥшьоу ача" рнапы аларкит.
© Sputnik / Томас Тхайцук
8 / 18
Ашылеиқәаҵәа иалху амажәа еизеиҟараны ԥшь-кәакьк змоу аҳамӷә иқәырҵоит.
© Sputnik / Томас Тхайцук
9 / 18
Агәылацәа аҩнаҭаҟны иҟарҵо аныҳәатә еишәа ачыс аздырхиоит.
© Sputnik / Томас Тхайцук
10 / 18
Аныҳәа иахәҭакуп ихадароу аԥсуа чысқәа.
© Sputnik / Томас Тхайцук
11 / 18
Аилаџь ашә алыҵәҵәа, ибарақьаҭӡа аишәа иқәдыргылоит.
© Sputnik / Томас Тхайцук
12 / 18
Аҷкәынцәа ҿарацәа "иԥшьоу ача" аӡра иахылаԥшуеит.
© Sputnik / Томас Тхайцук
13 / 18
Ачакәаҳацәа рзы хазы изыхныҳәаз аӡыс иара аныҳәагатә маҭәарқәа иреиуоу ақәаб иҭаҵаны иржәуеит.
© Sputnik / Томас Тхайцук
14 / 18
"Иԥшьоу ача" анӡлак ашьҭахь абыӷьқәа ақәхны, ирыцқьан иҟарҵоит.
© Sputnik / Томас Тхайцук
15 / 18
Аныхаԥааҩи быжьҩык ачакәаҳацәеи еиқәныҳәоит.
© Sputnik / Томас Тхайцук
16 / 18
Аныҳәарҭа аҭыԥ ахь инаргаз аҳамӷә иқәу "иԥшьоу ачеи", агәи, агәаҵәеи аныхаԥааҩ дрыхныҳәоит.
© Sputnik / Томас Тхайцук
17 / 18
Аныҳәарҭа ҭыԥ ахь инеиуа ахацәа заҵәык роуп.
© Sputnik / Томас Тхайцук
18 / 18
Ахацәа зегьы аҭыԥ аҿы ахьа абыӷьқәа нышьҭаҵаны, еидтәаланы акрырфоит. Аахәлаанӡа еицгәырӷьо аамҭа рхыргоит.
© Sputnik / Томас Тхайцук
АфотосахьақәаЖәлар рдоуҳаАԥсны