АҞӘА, нанҳәа 13 – Sputnik. Аԥсны АҶА иԥжәо амаҭәарқәа рԥырхагадатәра аҟәша аусзуҩцәа Очамчыра араион ақыҭақәа Ҷлоуи Тамшьи ирыԥшааит агранатақәа ҳәа аанацҳауеит Аԥсны АҶА апресс-маҵзура.
"Аԥсны Аҭагылазаашьа ҷыдақәа рминистрра аусзуҩцәа Ҷлоу ақыҭан ирбаз 1992-1993шш. рзтәи Аԥсны Аџьынџьтәылатә еибашьраантәи аџьаԥҳаны: РПГ–26, РКГ-3 ирбаз ԥыржәеит", - аҳәоит адырраҭараҿы.
Аџьынџьтәылатә еибашьразтәи агранатақәа рбеит Очамчыра араион ақыҭақәа рҿы
© Foto / МЧС Абхазии
Уи адагьы Тамшь ақыҭан ирыԥшааит иагьԥыржәеит аграната ПГ-7.
Аџьынџьтәылатә еибашьразтәи агранатақәа рбеит Очамчыра араион ақыҭақәа рҿы
© Sputnik / Томас Тхайцук МЧС Абхазии
Иара убас шәаԥхьар ҟалоит:
Гал араион аҿы аршьаҟауаа рнырҵәага мина рбеит
Раԥхьаӡа акәны амина зыԥшаауа алақәа Аԥсны аҽазыҟаҵарақәа ирылахәын