АҞӘА, нанҳәа 14 – Sputnik, Сариа Кәарцхьиаԥҳа. Аԥсны Аҳәынҭқарра Акультуреи аҭоурых-культуратә ҭынха ахьчареи рминистрра имҩаԥнагоит ахықәкытә программа "Аԥсны Аҳәынҭқарра адгьылҵакыраҟны иҟоу еиҭамҵуа аҭоурых-культуратә ҭынха аобиектқәа ашәҟәы рҭагалара, 2016–2019 шықәсқәа" алҵшәақәа рӡыргара.
"Агеоинформациатә система – алагаратә етап ауп. Сгәыӷуеит апроект ԥхьаҟагьы иацҵахап ҳәа. Иалыршахап ҳәа аҭоурых-культуратә ҭынха ишахәҭоу аиқәырхара", - лҳәоит аӡыргараан Аԥсны акультуреи аҭоурыхтә-культуратә ҭынхеи рыхьчараз аминистр Ельвира Арсалиаԥҳа.
Апрограмма аус адулара иалагеит 2016 шықәса рзы. Апроект аус адылулон "ЭкоГеоПроект" анагӡаратә директор Инна Барчан. Иаԥҵан ацифратә система аҭоурыхтә обиектқәа ҩ-нызқь рҟынӡа аҵаркны.
Лара лажәақәа рыла ахархәаҩцәа ирылшоит ззын аинформациа роурц рҭаху аобиект ианаарҭаххо аԥшаара.
"Асистема иуҭаху, заҟа уҭаху аинформациа уоуеит. Аобиектқәа рыҟазаашьа еилкаахоит ҳҟазауаа имҩаԥырго аманиторинг ала. Урҭ ртехникатә паспорт харҭәаалахоит иҿыцу адыррақәа рыла. Ажәакала, аԥсахрақәа зегьы асистема ианыԥшуеит", - лҳәоит Инна Барчан.
ГИС атуристцәа рызгьы ихәарҭоуп. Ахсаалақәа рыла еилыркаар рылшоит аобиектқәа рахь анеира шалшо.
Асистема ҩ-контурк рыла ишьақәгылоуп – иаартуи иаркуи.
Аелектронтә система уажәшьҭарнахыс аусура мҩаԥнагоит. Аԥсны Аҳәынҭқарра Акультуреи аҭоурых-культуратә ҭынха ахьчареи рминистрра асаит аҿы абара алшоит. Апрограмма аԥсуа, аурыс, англыз бызшәақәа рыла ишьақәыргылоуп.
Иара убас шәаԥхьар ҟалоит:
- Арсалиаԥҳа аҭоурыхтә баҟақәа ргеоинформациатә системазы: ихадоуп ахьчаразы
Акультура аминистрра аофициалтә саит аусура иалагеит