Нестор Лакоба иҭоурых-мемориалтә музеи Баграт Шьынқәба иҩны-музеии раартра Аԥсны аҳәынҭқарразы акыр аҵанакуеит, абри атәы лҳәеит Акультура аминистр Ельвира Арсалиаԥҳа.
Акультура аминистр Ельвира Арсалиаԥҳа дазааҭгылеит ҽыц иаԥҵоу амузеиқәа русушьа атәы
"Арҭ амузеиқәа акультуратә центрхап ҳәа сгәы иаанагоит. Баграт Шьынқәба имузеи аус ауеижьҭеи акыр шықәса ҵуеит. Уаҟа имҩаԥыргоит еиуеиԥшым ауснагӡатәқәа: имш иира, апоезиа ахәылԥызқәа. Ишыжәдыруа еиԥш, сынтәа Жәлар рпоет диижьҭеи иҵуеит шә-шықәса, уи инамаданы иаԥҵан аҳәынҭқарратә комиссиа. Ражәалагала Баграт Шьынқәба имузеи аҳәынҭқарратә статус аҭан", — лҳәеит Арсалиаԥҳа.
Акультура аминистр лажәақәа рыла, арҭ амузеиқәа есышықәса рыҽдырҭбаарц рылшоит.
