АҞӘА, цәыббра 26 – Sputnik. Гагра араион ашколхәыҷқәа ркомандақәа ҩба (5-6, 7-8 аклассқәа) аконцерн "Росэнергоатом" ачемпионат "Планета Баскетбола-Оранжевый атом 4х4" рхы аладырхәит ҳәа Sputnik Аԥсны иазеиҭарҳәеит Росатом аҿы.
7-8 аклассқәа ркоманда ахԥатәи аҭыԥ ааныркылеит.
Ачемпионат мҩаԥысуан Смоленск цәыббра 22 - 25 рзы. Аԥснытәи акоманда адагьы аицлабрақәа ирылахәын Урыстәылеи Белоруссиеи рықалақьқәа жәба рхаҭарнакцәа. Зынӡа - 20 команда.
Ачемпионат амҩаԥгара аҳәаақәа ирҭагӡаны имҩаԥган Аџьынџьтәылатә еибашьра ду алахәылацәа рԥылара, ақалақь аҿы аекскурсиақәа рымҩаԥгара, аныҳәатә концерт алахәхара.
Аԥснытәи акомандақәа афинанстә цхыраара ахәҭакахьала ирнаҭеит аконцерн "Росэнергоатом".