АҞӘА, цәыббра 5 – Sputnik, Асмаҭ Ҵәыџьԥҳа. "Росатом" Гагра араион ахәыҷқәа рзы еиҿнакааз аспорттә квест-хәмаррақәа ирылахәуп 60-ҩык рҟынӡа Гагра араион аҟынтәи ашколхәыҷқәа ҳәа Sputnik акорреспондент илзеиҭалҳәоит апроект "Росатом ашкол" анапхгаҩы Наталиа Шурочкова.
Лара лажәақәа рыла, ашколхәыҷқәа 4-командакны ишоуп. Командацыԥхьаӡа 15-ҩык ыҟоуп.
"Ахәмарра шьаҭас иамоуп "морской бой". Ахәыҷқәа еиуеиԥшым адистанциақәеи аобиектқәеи рҟны рыдҵақәа нарыгӡалароуп. Шьаҿак ԥхьаҟа ацаразы "апатронқәа" роуроуп.
"Апатронақәа" еиҳа еиҳаны изауа акоманда "аӷбақәа" реиҳаракгьы ҭанархоит. Иагьаиааиуеит. Ахәыҷқәа аурыла иԥоит, ампыл рхы иадырхәоит, ашахақәа рыла ҩада ихалоит, ашашәа иахыԥоит", - ҳәа еиҭалҳәоит Шурочкова.
Алахәылацәа зегьы агәаларшәагатә ҳамҭақәа роуеит. Ириааиз акоманда иаиуеит "Росатом" алагер ахь апутиовкақәа ҭагалантәи рыԥсшьарамшқәа раан.
Квест аиҿкааҩцәа иаздырхиеит аԥхьахә ҷыдагь. Ахәмарра аихшьаалақәа рыла, аӡәы ма ҩыџьа ашколхәыҷқәа алагер "Орленок" ахь жьҭаара 7 - 27 рзы апутиовка ранашьахоит.
Иара убас шәаԥхьар ҟалоит:
-
"Юнармия" ааӡаҩцәа рзы Аԥсны арра-патриоттә лагер аадыртуеит
