АҞӘА, жьҭаара 14 - Sputnik. Аԥсны ахада Рауль Ҳаџьымба Валери Бганба ареспублика аԥыза-министр дҟаиҵеит, абри атәы аанацҳауеит ахада иофициалтә саит.
"Аԥсны Аҳәынҭқарра аԥыза-министрс дҟаҵазааит Бганба Валери Рамшьыхә-иԥа. Аԥсны аԥыза-министр ишьақәыргыло аԥҟарала Аминистрцәа реилазаара азырхиаразы ажәалагала ҟаиҵароуп", - аҳәоит адырраҭараҿы.
Валери Бганба ҩынтәуп атәыла аԥыза-министрс дҟалоижьҭеи.
Цәыббра 18 2018 шықәса рзы усҟантәи аԥыза-министр Геннади Бганба амҩатә машәыр аҟны данҭаха ашьҭахь Валери Бганба аԥыза-министрс дҟаҵан.
Иара убас шәаԥхьар ҟалоит: