АҞӘА, жьҭаара 25 - Sputnik. Аԥсны иҟоу урыстәылатәи арратә база азенит-ракетатә ҟәшақәа реилазаара "аӷа" иавиациа ажәылара аԥдырҟәҟәааит ҳәа аанацҳауеит Аладатәи арратә округ апресс-маҵзура.
Азенит-ракетатә комплексқәа имҩаԥыргеит ажәыларанкылара.
Аруаа аимадареи анапхгараҭареи рсистема еиҿыркааит, атехника ажәылара иаздырхиеит, аҳауатә цәҟьарақәа мҩаԥыргеит "аӷа" арадиоԥырхагара шыҟаиҵозгьы.
Иааидкыланы аҽазыҟаҵарақәа ирылахәын 500-ҩык рҟынӡа аррамаҵзурауаа, 50 ак арратә техника - С-300 "Фаворит", "Оса-АКМ", "Стрела-10" , ЗРК "Игла" реиԥш иҟоу алархәны.