АҞӘА, абҵара 19 – Sputnik. Абҵара алагамҭазы Аԥсныҟа иаашьҭыз 14 автобус Аԥсны араионқәеи ақалақьқәеи ирзеихшахоит ҳәа радио Sputnik иазеиҭеиҳәеит аенергетикеи, аимадареи, атранспорти рзы Аҳәынҭусбарҭа аиҳабы Робесҭан Габлиа.
"Атранспорт ҿыц аахәара иақәхарџьын 31 миллион мааҭ. 14 автобус рҟынтәи жәба школтә автобусқәоуп, ԥшьба ақыҭақәа ирызшахоит, акы – ААУ иазырхоуп", - азгәеиҭеит иара.
Робесҭан Габлиа иажәақәа рыла, абҵара 20 рзы Аминистрцәа реилазаараҟны имҩаԥысраны иҟоуп аилацәажәара. Уа ирыдыркылоит аӡбра атранспорт аихшашьазы.
"Ҳара иааиԥмырҟьаӡакәа автотранспорт ҳарҿыцлоит. Иаҳзаарышьҭыз автобусқәа рхаҭабзиара ҳаракуп. Хышықәса рыҩныҵҟа иарбанызаалак ремонтк рҭаххараны иҟам, ахәдықәҵатә ҿҳәара рымоуп", - иҳәоит Робесҭан Габлиа.
Автобусқәа "Вектор Next" азауад "ГАЗ" аҿы иҭыжьуп.
2019 шықәса рзы Аԥсны асоциал-економикатә ҿиаразы Аинвестициатә программа аҳәаақәа ирҭагӡаны араионқәеи ақыҭақәеи рышколқәа рзы иаахәан 62 автобус. Автобусқәа раахәараз иныхуп 162 миллион мааҭ.
Уаанӡа автобусқәа еихыршахьан Аҟәеи, Гәдоуҭеи, Очамчыреи араионқәа рҿы.
Иара убас шәаԥхьар ҟалоит:
- Кәарцхьиаԥҳа еиҭалҳәеит Гәдоуҭа араион ақыҭақәа автобусқәа шрызшахо