АҞӘА, ԥхынгәы 19 - Sputnik, Сариа Кәарцхьиаԥҳа. Гәдоуҭатәи автопарк ф-автобуск рыла аҽарҭбааит ҳәа аалыцҳауеит Sputnik акорреспондент.
Автобусқәа хԥа ашколқәа ирырҭоит, аҽа хԥа ақыҭақәа ирырҭоит. Араион ахадараҿы макьаназы иӡбым арҭ атранспорт хкқәа иарбан школу, иарбан қыҭоу иахьынашьҭхо.
Гәдоуҭа араион ахада Руслан Ладариа иҳәеит ақыҭақәа даара автотранспорт рыгны ишыҟоу. Автопарк ахәҭак жәашықәса раԥхьа ишыԥсахыз.
"Агәахәара ду ҳамоуп. Ашколқәа реиҳарак автобусқәа рымам. Араион ақыҭақәа 20 рҿгьы ауаажәларратә транспорт акыр иқәсхьеит. Ҳәарада, х-автобуск азхоны иҟам, аха иаарласны еиҭа иааҳашьҭуеит ҳәа рҳәеит", - еиҭеиҳәоит Ладариа.
Аҵара аминистр Адгур Какоба иазгәеиҭеит автобус ҿыцқәа ашколқәа рыпроблема аӷьырк шырыӡбо.
"Макьаназ ашколқәа зегьы транспортла еиқәшәам, аха иахьынӡалшо ала апроблема аҭыԥ ақәҵара ҳҽазаҳшәоит", - иҳәеит Какоба.
Аԥсны асоциал-економикатә ҿиараз Аинвестпрограмма аҳәаақәа ирҭагӡаны Аԥсны араионқәеи ақыҭақәеи рзы автобусқәа раахәара иахшәаан 162 миллион мааҭ.
Аинвестпрогграмма раԥхьа иргыланы иззырхо асоциалтә усхк аобиектқәеи аинфраструктура аобиектқәеи, аенергетикатә нхамҩеи реиҭашьақәыргылароуп.
Иара убас шәаԥхьар ҟалоит:
- Аԥсны араионқәа транспорт ҿыцла еиқәдыршәеит
