АҞӘА, ԥхынҷкәын 13 – Sputnik, Сариа Кәарцхьиаԥҳа. Гәдоуҭа ақалақь Афырхацәа рымҩаду аҿы 84 кипариси индиатәи лагерстремиеи (индиатәи алилачықь) ҷыдала Италиантәи иааганы еиҭарҳаит лҳәоит ақалақь ахадара адизаинер Кристина Гәымԥҳа.
Гәдоуҭа акипарисқәеи индиатәи алилачықьқәеи еиҭарҳаит
© Sputnik
Зынӡа 84 ҵла еиҭаҳауп: 42 кипариси 42 лилачықьи.
"Афырхацәа рымҩаду ақалақь амҩа хадақәа ируакуп. Иацы аиҭаҳара ҳалагеит. Акипарисқәа роурақәа ҩбаҟа метра иҟоуп. Лагерстремиа – х-метрак инаӡоит. Иахьа зегь еиҭаҳаны ҳалгоит", - лҳәоит адизаинер.
Амҩаду ариаҵәаразы миллион мааҭ рҟынӡа аԥара шәоуп. Аиҭаҳатәқәа Италиантәи иаагоуп. Иазыԥхьагәаҭоуп Арӡынба имҩагьы ариаҵәара.
Ари ауснагӡатә хацыркын 2018 шықәса рзы. Усҟан ақалақь ахадара иажәхьоу аҵлақәа ԥырҟеит Ӡиӡариа имҩаҿы. Урҭ рҭыԥ аҿы аҿақәа еиҭаҳан.
Иара убас шәаԥхьар ҟалоит:
Ақалақь ахада инапынҵақәа назыгӡо аҳҭнықалақь ахаҿра еиҭеикуеит