АҞӘА, ԥхынҷкәын 23 – Sputnik, Асмаҭ Ҵәыџьԥҳа. Аԥснытәи абоксиорцәа Ринат Бениа, Давид Цколиа, Армен Минасиан актәи аҭыԥқәа ныркылеит аспорт аветеран Виктор Соснер игәалашәара иазку, итрадициатәу абокс азы атурнир аҟны ҳәа Sputnik иазеиҭеиҳәеит аспортсменцәа разыҟаҵаҩ Елизбар Џьологәуа.
Атурнир аҟны ахԥатәи аҭыԥқәа ныркылеит Рамин Коркиеи Руслан Габуниеи.
"Ҳаспортсменцәа даара ибзианы рхы аадырԥшит. Рыпрофессионалтә еизҳараз амчи алшеи шыҟоугьы ддырбеит", - иҳәеит азыҟаҵаҩ.
Аспорт аветеран Виктор Соснер игәалашәара иазку, итрадициатәу абокс азы атурнир мҩаԥысуан Саратовтәи аобласт ақалақь Маркс аҟны ԥхынҷкәын 18 -21 рзы.
Атурнир иалахәын 180-ҩык аспортсменцәа Ҟазахстан, Нхыҵ Кавказ, Азербаиџьан, Урыстәыла арегионқәа рҟынтәи.
Иара убас шәаԥхьар ҟалоит:
- Гагратәи абоксиорцәа қәыԥшцәа Аԥсны ахьӡала Ашьха Ҟарабах атурнир аҿы иқәгылеит
Харитон Агрба Урыстәыла ачемпионат афиналбжахь днеиит