"Ари традициахеит уажәшьҭа, хәышықәса инеиԥынкыланы Ашықәс ҿыц ауха аҩнаҭақәа рҿы "Ҽаанбзиала!" ҳәа анеибаҳҳәалак ашьҭахь, асааҭ аказы Ахақәиҭра ашҭаҿ имҩаԥгахоит аныҳәатә программа. Уи иалахәхәоит аестрадатә шәаҳәаҩцәа, иҟалоит ҳаамҭа иақәшәо ашәақәа, акәашара зҭаху рзы. Сынтәа ҿыцны иалаагалоит Оҭар Хәынҵариа ихьӡ зху аоркестр, урҭ иадырҳәо амузыкала ҳашәаҳәаҩцәа ашәақәа нарыгӡалоит. Хымԥада, асалиут ҟалоит, иара ҷыдала апрограмма иашьашәаланы иҟаҵоуп, зегьы иргәаԥхап ҳәа сгәы иаанагоит. Иара ҟалоит апрограмма ахыркәшамҭаз, ашәаҳәаҩцәа зегьы рықәгыларақәа ианалгалак, афиналтә ашәа анырҳәо. Иаанхоит аҿар шьыжьымҭанӡа акәашара зҭаху зегьы. Аҿар роума, аиҳабацәа рзоума, зегьы иргәаԥхартә еиԥш апрограмма еиқәыршәоуп", - лҳәеит Ҳашыгԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
Ашықәс ҿыц ауха иаашаанӡа ауаажәларратә транспорт ныҟәалоит