АҞӘА, ажьырныҳәа 31 – Sputnik, Бадри Есиава. Аԥсныҟа иаарыԥхьало иалагоит здырреи зԥышәеи ҳараку, атәылазы ихымԥадатәиу азанааҭқәа змоу аҟазауаа. Аԥсны аиҳабыра аилатәараҟны ишьақәдырӷәӷәеит ареспубликазы ихәарҭаны иҟоу абарҭ азанааҭқәа реиқәыԥхьаӡа.
Асиахь иаҵанакит: аҳақьымцәа, арҵаҩцәа, аҭҵаарадырратә усзуҩцәа, анџьнырцәа уҳәа егьырҭгьы.
"Азакәан анорма иазыԥхьагәанаҭоит аҳәаанырцә тәылауаа ԥшьышықәса рҟынӡа ҿҳәарас иаҭаны анхара азин рыҭара. Ари азин роур алшоит аҳәынҭқарратә интерес иаҵанакуа азанааҭуаа", - иҳәеит аиҳабыра аппарат анапхгаҩы Давид Сангәлиа.
Сангәлиа иажәақәа рыла, ари аиқәыԥхьаӡахь иалаҳҵарц иаарышьҭит азанааҭқәа 100 инареиҳаны излаз ажәалагалақәа, аха асиахь иаҵанакит 22 занааҭ.
Азанааҭқәа рсиа иану зегьы шәаԥхьар ҟалоит абар>>
Иара убас шәаԥхьар ҟалоит:
Аргылаҩцәеи, ахәыҟаҵаҩцәеи: 2020 шықәса рзы еиҳа ирҭаххо азанааҭқәа
Смырԥҳа: ҳуниверситет аҿы иҟоу азанааҭқәа рзы анҭыҵ аасҭа аҩны аҵараиура еиӷьуп