АҞӘА, жәабран 17- Sputnik. Даниил Харчлаа актәи аҭыԥ никылеит Урыстәыла Аҩада-Мраҭашәаратәи Афедералтә округ аҟны аҿар рыбжьара зых иақәиҭу ақәԥаразы аиндаҭлараҿ ҳәа аанацҳаит Аԥсны аҿари аспорти русқәа рзы аҳәынҭеилакы.
Ричи Сыҷынаа ахԥатәи аҭыԥ никылеит. Аԥсуа спортсменцәа 65 кьыла рҟынӡа зкапануаз рыгәҭа иқәгылон. Калиниградтәи аиндаҭларақәа алкааратә қәгыларақәан.
Урыстәыла Аҩада-Мраҭашәаратәи Афедералтә округ аҟны аҿар рыбжьара зых иақәиҭу ақәԥаразы аиндаҭлара мҩаԥысит Калининград, жәабран 15 рзы. Иара иалахәын шәҩык рҟынӡа аспортсменцәа.
Ҳаспортсменцәа рҩыџьагьы Калиниград, аолимпиатә резерв ашкол иҭоуп. Иазыҟарҵоит аишьцәа Виктои Валерии Ходжаеваа.