АҞӘА, хәажәкыра 3 – Sputnik. Еизаз рыдҵақәа ируакуп Аԥсны Аҩныҵҟатәи аусқәа рминистр Раули Смыр иҭыԥ ааныжьра. Абри атәы далацәажәеит Аслан Бжьаниа иштаб аиҳабы ихаҭыԥуаҩ Леонид Лакербаиа.
Иара иажәақәа рыла ари Рауль Смыр ахадарахьы акандидат Адгәыр Смыр ианшьа ахьиакәу ауп издырҳәало.
Хышәҩык инарзынаԥшуа Аслан Бжьаниа идгылаҩцәа хәажәкыра 3 рзы Аминистрцәа реилазаара ахыбрахь инеиит Валери Бганба инапынҵақәа шьҭеиҵарц, алхрақәа ҟалаанӡа апарламенттә напхгара ҟаларц адҵа ҟаҵо. Аамҭақәак рышьҭахь министрцәақәак, араионқәа рхадацәа, АКХ ахантәаҩы, "Амшынеиқәафымцамч" аиҳабы рнапынҵақәа шьҭарҵарц адҵа ҟарҵеит.
Валери Бганбеи ахада Иусбарҭа анапхгаҩы инапынҵақәа назыгӡои еизаз рхаҭарнакцәа ирыҿцәажәеит, ҷыдала - Бадра Гунба, Леонид Лакербаиа, Михаил Логуа.
Иара убас шәаԥхьар ҟалоит:
- Бжьаниа иштаб алхрақәа рыҿҳәара анахара атәы иалацәажәоит
Акциа алахәылацәа аиҳабыреи араионқәа рхадацәеи рнапынҵақәа шьҭарҵароуп рҳәоит