АҞӘА, хәажәкыра 4 - Sputnik. Урыстәыла аиҳабыра авирус иаҿагылоу ахәшәқәа, амедицинатә сабрадақәа атәыла ралгара азин ааныркылеит. Абри атәы аҳәоит Аминистрцәа реилазаара асаит.
Ауснагӡатә мҩаԥгоуп Урыстәыла атәылауаа ринтересқәа рыхьчара иазырханы. Аԥкыра аус ауеит 2020 шықәса рашәара 1 аҟынӡа. Ақәҵара амчра аиуеит ианыркьыԥхь амш инаркны.
Атәыла залгара ҟамло аалыҵ ахь иаҵанакуеит: асабрадақәа, абинтқәа, абамба, акасыш, абахилқәа, ахимиатә хьчараз зныктәи ацәашәҵатәы, ареспираторқәа, авирус иаҿагыло ахәшәқәа уҳәа убас иҵегьы.
Уаанӡа Аԥсны Агәабзиарахьчара аминистрра Урыстәыла Агәабзиарахьчара аминистррахь аҳәара ҟанаҵахьан ареспубликаҿ акоронавирус алаҵәара аԥырҟәҟәааразы ацхыраара анаҭарц.
Иара убас шәаԥхьар ҟалоит:
Акоронавирус зламҽуа ауаа ркатегориақәа алкаауп