"Аусқәа ишахәҭоу ацара иаҿуп алхратә ҭыԥқәа зегьы рҿы, еиҵахарак ҳәа макьана акгьы ҳамаӡам. Ианаамҭоу аҳәынҭқарраҟынтә аԥара ҳаур. Уажәы убри ауп ҳаззыԥшу. Абиуллетенқәа ркьыԥхьра иаҿуп, ианаамҭоу зегьы ироуеит. Асиақәа ракәзар, урҭ реиқәыршәара цоит. Иҭагалам иназыцҵоу асиахь дҭаргалоит, иԥсыз дырҵәаӷәоит. Акоронавирус алхрақәа ирныԥшыр ҳәа ҳшәоит. Аҳәынҭқарра ахада инапынҵақәа назыгӡо алаҳәара ҟаиҵеит, аха алхрақәа рзы акгьы ҳәам, хазы ак адкылара азин ҳамам. Анаԥшыҩцәа ҟалом арҭ алхрақәа раан, аха уи ҳусура анырра анаҭом", - ҳәа еиҭеиҳәеит Кәакәасқьыр.
Аԥсны Алхратә комиссиа хада аӡбарала, атәыла ахада иеиҭалхрақәа мҩаԥысраны иҟоуп хәажәкыра 22 рзы.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Аԥсны асанепидемстанциа алхрақәа раан ахымҩаԥгашьазы абжьагарақәа ҟанаҵоит
Гогьиа: алхрақәа раан актәи атур ала ҳаилгар, уадаҩра ҳауӡом