"Аԥсны Апарламент "Аԥсны ахада иалхразы" азакәан 16-тәи ахәҭаҷ ариашарақәа аланагалеит. Алхразы абиуллетен аҟны акандидатцәа реиқәыԥхьаӡа анҵәамҭаҿы иарбахоит ацәаҳәа "Зегьы сырҿагылоит" зганаҟны абжьыҭаразы аҭыԥ арбоу. Даара иус бзиоуп. Уи Жәлар Реизарахь инаҳашьҭыижьҭеи ԥыҭк ҵуеит. Ҳаԥхьаҟагьы ас аилибакаара ҟаҵаны аус ҳазур, акахьы ҳкылсуеит ҳәа сгәы иаанагоит. Иҭабуп ҳәа расҳәоит иахьадгылаз. Аџьабаа ҳбазаргьы, ажәлар ирыхәоит, ҭыӡшәак алымҵындаз ҳәа акәын ҳзышьҭаз.
Уи аганахьала зегьыҵәҟьа ӡбам, иҟоуп ҳзызхәыцша, зегьы ҳнапы еибаркны иҳаӡбаша. Актәи ашьаҿа шыҟаҵаз еиԥш, егьырҭгьы нагӡахап ҳәа сгәыӷуеит, алхратә аамҭа ишахәҭоу имҩаԥаагап. Актәи атур азы иаԥырхагахо ыҟам, аха аҩбатәи атур цәырҵыр, азеижәтәи ахәҭаҷ иамоуп аилибамкаара. Аӡбарҭа иаднакылаз аӡбамҭа ҳақәныҟәар ҟалоит, аха уаагьы (Жәлар Реизараҟны - аред.) ирыӡбар бзиан, актәи атур ала ҳаилгар, уадаҩра ҟалом", -ҳәа азгәеиҭеит Гогьиа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
