АҞӘА, хәажәкыра 20 – Sputnik. Очамчыра ақалақь Қәычбериа ихьӡ зху амҩаҿы игылоу аҩнеихагыла амца акит ҳәа Sputnik иазеиҭеиҳәеит Очамчыра амцарцәара-еиқәырхаратә хәҭахьы аиҳабы Мурман Ԥачлиа.
"Амца арцәара иадԥхьалан амцарцәаратә гәыԥқәа ҩба, машьынак. 15 минуҭ рыҩнуҵҟа амца ырцәан", - иҳәеит иара.
Амца ахы акит аҩны актәи аихагылаҿы. Аԥхасҭа роуит уадақәак, ԥсыҭбара ыҟам ҳәа азгәеиҭеит Мурман Ԥачлиа.
Амцакра зыхҟьаз амзыз макьаназ ишьақәыргылам иҳәеит иара.
Иара убас шәаԥхьар ҟалоит:
Кәыҵниа: абылрацәыхьчагатә машьынақәа амцакраҟны ӡыда инеит ҳәа иашаӡам
Аҟәа ақалақь аҿы аевкалипт анхарҭаҩны иақәҳаит