АҞӘА, хәажәкыра 27 - Sputnik. Аԥсны Апарламент арежим ҷыда алагалара иадгылеит. Арежим ҷыда алагалахоит хәажәкыра 28 инаркны ҳәа иҳәеит Апарламент ахантәаҩы Валери Кәарҷиа.
"Адепутатцәа еицҿакрыла рыбжьы рҭиит абри ақәҵаразы. Азакәан "Аҭагылазаашьа ҷыдазы" апунктқәа еилыҟәшәааны иҟоу аҭагылазаашьа иақәшәақәоз рыдыркылеит", - иҳәеит Кәарҷиа.
Убри аан иара иазгәеиҭеит аҭагылазаашьа ҷыда алагалараан акоменданттә сааҭгьы шалагалахо, атранспорт аныҟәара шыԥкхо атәы.
Аԥсны ахада инапынҵақәа назыгӡо Валери Бганба иусдҵаҿы иаҳәоит:
"2020 шықәса хәажәкыра 28 асааҭ 00:00 инаркны 2020 шықәса мшаԥы 20 асааҭ 00:00 аҟынӡа Аԥсны Аҳәынҭқарра аҵакыра зегь аҿы аҭагылазаашьа ҷыда алагалазааит" ҳәа.
Агәабзиарахьчара аминистрра адыррақәа рыла, Аԥсны иахьаҵанакуа аӡәгьы акоронавирустә инфекциа идбалам.
Иара убас щәаԥхьар ҟалоит:
- Ашәарҭадаратә маҵзура: аԥсуа тәылауаҩшәҟә змам урыстәылаагьы Аԥсныҟа аара рылшоит
"Мода-Текс" аҿы аҿаршәқәа рыӡахразы хаҭалатәи аҿаҵақәа рыдыркылоит