АҞӘА, хәажәкыра 27 – Sputnik, Бадри Есиава. Авирус аҿагылара хықәкыс иҟаҵаны Аԥсны анаплакцәа-амалуаа афонд аԥырҵоит ҳәа Sputnik иазеиҭеиҳәоит афонд ашьаҭаркыҩцәа ируаӡәку Николаи Ачба.
"Аԥсны анаплакыҩцәа гәыԥҩык иазырыԥхьаӡеит акоронавирус аҿагыларазы афонд аԥҵатәуп ҳәа. Ҳәарада аханатәалагалақәа ҟазҵо дара анаплакыҩцәа роуп, аха дарбанызаалак азин имоуп ихәҭалагала ҟаиҵарц. Коронавирус шәарҭам ҳәа зҳәо ҳрықәшаҳаҭым. Ҳара уи шәарҭаны ҳахәаԥшуеит" - иҳәеит Ачба.
Иара иазгәеиҭеит аҳәынҭқарра иалшо зегь шыҟанаҵо, аха уи алшарақәа шырацәам. Еизго аԥарақәа амедицинатә хархәагақәа, ахәшәқәа, еиуеиԥшым амедицинатә программақәа рыхә ашәара иазырхахоит.
Анаплакыҩцәа реиԥылареи официалла афонд шаԥҵахои рылаҳәахоит хәажәкыра 27 асааҭ 12:00 рзы аофистә центр "Ривьера" аконференц-зал аҿы.
Хәажәкыра 26 рзы анаплакыҩцәа Валери Бганба иԥылеит, иалацәажәеит Аԥсны акоронавирустә инфекциа COVID-2019 аҿагылара азҵаарақәа.
Аиԥылара алахәылацәа азааит русураҿ Агәабзиарахьчара аминистрреи дареи еинырраны ишыҟоу.
Аԥсны аҳатә операторцәа ирҳәеит афонд ахь аԥараиагаразы алшарақәа шазыӡбахо.
Иара убас шәаԥхьар ҟалоит:
-
Аԥсны иаанахәоит акоронавирус аарԥшра зылшо 600 тест-система
- Москвеи Ҭырқәтәылеи иҟоу аԥсуа диаспора ирыҳәоит ахәшәқәа раахәараҿы ицхыраарц
