АҞӘА, мшаԥы 7 - Sputnik. Аԥсны Аминистрцәа реилазаара ахылаԥшра-ревизиатә усбарҭа Иреиҳаӡоу аӡбарҭаҿ 2018 - 2019 шықәсқәа рзы абиуџьет аҟынтәи хықәкылатәи аныхрақәа шымҩаԥысуаз ҭырҵааит.
Афинансҭҵаара иаанамырԥшит абиуџьет аԥарақәа хаԥышәала ишныхыз ҳәа аанацҳауеит аӡбарҭа асаит.
Абиуџьет ԥарақәа рныхра асмета адагьы аусбарҭа иҭнаҵааит:
- аԥарақәа аматериалтә беиарақәа раахәареи, рыхьчара аиқәыршәареи рзы аныхра;
- абиуџьеттә ԥарақәа ауалафахәы ашәарази иҳәынҭқарратәу абиуџьетнҭыҵтә фондқәа рахь рахыхра;
- акыршықәсатә усурази аквалификациатә класси рзы ауалафахәцҵа аҟаҵара;
- ахархәара змоуз асанатор-курорттә хәышәтәразы аԥаратә компенсациа аҟаҵара;
- ацхыраагӡақәа ршәареи егьырҭ ахырхарҭақәеи.
Иара убас шәаԥхьар ҟалоит:
Аԥсны Апрокуратура хада Аҵәахырҭатә банк аҿы аҭыԥ змоу аԥарафара ҭнаҵаауеит
Бганба аҳәынҭнаплакқәа рҟны аинвентаризациа ҟарҵарц рыдиҵеит