АҞӘА, лаҵара 5 - Sputnik. Аслан Бжьаниа иахьа Аԥсны ахадак иаҳасабала раԥхьаӡа акәны усутә визитла аҳәаанырцә дцеит. Уи Москва аиԥыларақәа имоуп, абри атәы Sputnik иазеиҭарҳәеит ахада ипресс-маҵзураҟны.
"Аҳәынҭқарра ахада иццеит аԥыза-министр ихаҭыԥуаҩ, афинансқәа рминистр Владимир Делбеи аԥыза-миистр ихаҭыԥуаҩ, аекономика аминистр Кристина Озганԥҳаи", - рҳәеит адырраҭараҟны.
Ахада Москваҟа ицара апрограммеи аҿҳәареи ирызкны апресс-маҵзураҟны ирзымҳәеит.
Аслан Бжьаниа ахада имаҵураҟны дыҟоуижьҭеи ҩымчыбжьагьы мҵыцт. Уи иҭоубашьҭаҵара мҩаԥысит мшаԥы 23 рзы. Иацы иара инапы аҵаиҩит аԥыза-министр ихаҭыԥуаҩыси аекономика аминистрси Кристина Озганԥҳа лыҟаҵаразы аусԥҟа. Иахьа уи аминистрра аколлектив дыдирдырит аԥыза-министр Александр Анқәаб. Владимир Делба аԥыза-министр ихаҭыԥуаҩыси афинансқәа рминистрси дҟаҵан ахаша, мшаԥы 28 рзы.
Иара убас шәаԥхьар ҟалоит:
Еидырҵаз, еиҭаркыз: Аԥсны аиҳабыра реилазаашьа ҿыц