04:44 26 Жәабран 2021
Ишиашоу ицо аефир
  • USD73.47
  • EUR89.50
Аԥсны
Икьаҿу ахьарԥш аиура
24 0 0

Кристина Озганԥҳа Аԥсны аекономикаа министрс дшыҟаҵо атәы аҳәоит ахада исаит аҟны. Абри аҭыԥ аҿы лара длыԥсахит Адгәыр Арӡынба.

АҞӘА, мшаԥы 4 - Sputnik. Аԥсны ахада Аслан Бжьаниа Кристина Озганԥҳа аԥыза-министр ихаҭыԥуаҩыси аекономика аминистрси дҟаиҵеит.

Аминистрцәа реилазаара аструктура ҿыц инақәыршәаны, 14 министрра ыҟоуп уаанӡатәи 12 рҭыԥан, аилакқәа – 8, аусбарҭақәа – 8.

Кристина Озганԥҳа диит цәыббра 30, 1973 шықәса рзы. 1996 шықәса рзы Аԥснытәи аҳәынҭқарратә университет аекономика афакультет далгеит, анаҩс акандидаттә диссертациа лыхьчеит жәлар рынхамҩеи аҳәынҭқарратә маҵзуреи Урыстәылатәи ракадемиаҿы.

2000 - 2002шш. –Аҟәа ахадара аекономикеи азыԥхьагәаҭареи русбарҭа аҟазауаҩ ԥхьагыла.

2002 - 2003 шш. – Аԥсны Ахәаахәҭра-ааглыхратә палата аекономикатә программақәа рыҟәша аиҳабы.

2003 – 2005шш. – Аминистрцәа реилазаара аекономикатә ҟәша аиҳабы.

2005ш. – Аԥсԥны аекономика аминистр ихаҭыԥуаҩ, аекономика аминистр.

2011 – 2014шш. – Аԥсны ахада Иусбарҭа анапхгаҩы ихаҭыԥуаҩ.

2014 – 2017шш. – ИАЕ "Апсны-ойл" адиректор хада.

2017 шықәса инаркны иахьанӡа ИАЕ "РН-Абхазия" адиректор хада.

Дҭаацәароуп. Ҩыџьа аԥацәа лымоуп.

Абри аҭыԥ аҿы лара длыԥсахит Адгәыр Арӡынба, 2020 шықәсазтәи ахада иалхарқәа раан Аслан Бжьаниа иҵахаз.

Иара убас шәаԥхьар ҟалоит:

Ихадоу атемақәа