АҞӘА, лаҵара 7 - Sputnik. Ииасыз уахыки-ҽнаки рыла COVID-19 амазааразы Аԥсны агәаҭара иахысит 34-ҩык атәылауаа ҳәа адыраа ҟанаҵоит Ауааԥсыра акоронавирустә ҿкы рацәыхьчаразы аоперативтә штаб. Дара зегьы ачымазара ҿкы рцәа ишалам шьақәырӷәӷәахеит.
"Иахьатәи амш азы асасааирҭа "Аиҭар" аҟны акарантин рхыргоит аҳәаанырцәынтә ихынҳәыз 188-ҩык ҳтәылауаа", – ҳәа азгәарҭеит аштаб аҟны.
Апандемиа ыҟоуижьҭеи Аԥсны акоронавирус рыхьит хҩык. Гәдоуҭатәи ахәышәтәырҭаҿы ишьҭаз ҩыџьа апациентцәа ргәы бзиаханы аҩныҟа илрыҩааит, 1925 шықәсазы ииз аԥҳәыс бырг лыԥсҭазаара далҵит.
Краснодартәи атәылаҿацә аҟны ииасыз уахыки-ҽнаки рыла 99 хҭыс ҿыц азгәаҭан, Ҟәбан зынӡа ачымазара рцәа иалоуп 1633-ҩык.
Акоронавирус азы аҵыхәтәантәи ажәабжьқәа шәрыԥхьар ҟалоит абра>>