АҞӘА, лаҵара 7 - Sputnik. Краснодартәи атәылаҿацә аҿы аҵыхәтәантәи уахи-ҽни рыҩныҵҟа 99-ҩык авирус рыдбалоуп.
"33 хҭыс аҭыԥ рыман Краснодар, 15 – Апшеронсктәи араион, 9 – Кавказтәи араион, 4 – Шәача, 4 – Северск араион, 4 –Усть-Лабинсктәи араион, 3 – Ҟрымсктәи араион, 3 – Калининтәи араион, ҩба-ҩба хҭыс араионқәа: Новороссиск, Гориачи Клиуч, Гулькевичск, Шьчербиновск, Кушьчевск, Староминск, Белореченск рҟны. Аӡәаӡәа ачымазцәа азгәаҭоуп Геленџьик, Темриукск, Тихорецк уҳәа егьырҭ араионқәа рҟны", - ҳәа аҳәоит Ҟәбан ахадара асаит аҿы.
Ичмазаҩу рықәра 5 - 89 шықәса рыбжьара иҟоуп, ахацәа –44-ҩык, аҳәса –55-ҩык.
Аԥсны ауааԥсыра акоронавирус рацәыхьчаразы аоперативтә штаб адыррақәа рыла, аинфекциа иҿыцны аӡәгьы идбалам. Ииасыз уахи-ҽни рыҩныҵҟа коронавирус азы 31-ҩык гәаҭан. Атестқәа ачымазара шьақәыдмырӷәӷәеит.
Акоронавирус иазку аҵыхәтәантәи ажәабжьқәа шәрыԥхьар ҟалоит абра>>
