АҞӘА, лаҵара 8 - Sputnik, Сариа Кәарцхьиаԥҳа. Асҭанда Ҭаркьылԥҳа Аҟәа ақалақь ахадара Аҵара аусбарҭа аиҳабыс дҟаҵоуп ҳәа Sputnik иазаарыцҳаит аҳҭнықалақь ахадара апресс-маҵзураҟынтә.
Анапхгаҩ ҿыц аколлектив дыдирдырит Беслан Ешба лаҵара 8 рзы.
Асҭанда Ҭаркьылԥҳа уаанӡагьы ари аҭыԥ аҿы аус луан, 2007 шықәса инаркны 2014 шықәсанӡа. 2014 шықәсазы усҟантәи ақалақь ахада Адгәыр Ҳаразиа лмаҵура аҟынтәи лхы дақәиҭитәит. Лара лҭыԥ аҿы даҭан Лиудмила Адлеиаԥҳа.