АҞӘА, лаҵара 12 - Sputnik. Аԥсны атәылауаа аҽа хҩык акоронавирус рыдбалоуп ҳәа аанацҳауеит ауааԥсыра COVID-19 рацәыхьчаразы аоперативтә штаб.
Ичмазаҩу Урыстәылантәи ааигәа иааз, асасааирҭа "Аиҭар" аҿы акарантин иахысуа роуп.
Дара Гәдоуҭатәи ахәышәтәырҭахь ирышьҭраны иҟоуп.
Быжьҩык апациентцәа Гәдоуҭатәи ахәышәтәырҭаҿы рыхәышәтәра иаҿуп. Аҳақьымцәа ишырҳәо ала, рҭагылазаашьа шыҟац иҟоуп ибааԥсу адинамика амам.
Иахьазы асасааирҭа "Аиҭар" аҿы акарантин иахысуеит 256-ҩык аҳәаанырцәынтә ихынҳәыз ҳтәылауаа. Урҭ рҟынтәи 216-ҩык курсантцәоуп.
Иара убас шәаԥхьар ҟалоит:
- Аԥсны ААР: Урыстәылаҟа ҽыхәышәтәра ицо ауаа ҷыдала адокументқәа аздырхиалароуп
Аоперштаб адырра ҟанаҵеит Аԥсны аҳәаа ишахысуа "џьаргьы иҭарымгало" атәылауаа