АҞӘА, лаҵара 19 - Sputnik. Гагра араион Бзыбԥҭа аҳаблаҿы аҭыԥантәи ауааԥсыра арҭҟәацгақәа рбеит ҳәа аанацҳауеит Аҭагылазаашьа ҷыдақәа рзы аминистрра.
Адырра инақәыршәаны, анапылаҟаҵаратә ӡытҟәа ахықәаҿы ирыԥшааит: агранатаршәга "ВОГ-25" азы аџьаԥҳаны хә-цырк, агранатақәа "РГ-42", анапылатә гранатқәа "Ф-1", анапылатә граната "РГД-5", аграната "УЗРГМ-2" ахеиҵаҵа.
Аԥсны АҶА апиротехникатә ҟәша аусзуҩцәа аԥшаахқәа иахьшәарҭамыз иқәганы еиҵырхит.
Лаҵара 4 рзы агранатаршәгақәа ВОГ-24, ВОГ-25 аснариадқәа ԥшьба рбеит Аԥсны АҶА аусзуҩцәа Алашарбага араион аҿы аҭыԥ змаз амцакра арцәараан. Абылраан аснариадқәа руак ԥжәеит.
Иԥшааз аснариадқәа Алада Ешыра аполигон аҿы иганы иԥжәан.
Иара убас шәаԥхьар ҟалоит:
- Приморск ақыҭан аибашьраантәи аџьаԥҳаны рбеит
Атанкақәхратә граната ԥшаан Ҟәланырхәа ақыҭан
Аибашьыгатә граната ԥшаан Гәдоуҭа ақалақь агәҭа