"Иарбан мшу сгәалашәом, аха ҵыԥх акәын, машьынала амҩа ҳақәын Ҭенгьиз Иналиԥа иахь. Иара Речхә ақыҭа дынхоит. Уа ҳнаӡаанӡа кәара хәыҷык ыҟоуп, сиазҵааит иахьӡи ҳәа. Ҵыскәара ахьӡуп ҳәа сеиҳәеит. Иара даԥсыуоуп, аха абызшәа издыруам. Иаанаго закәу удыруама ҳәа саниазҵаа, исыздыруам ҳәа сеиҳәеит. Еиҭаганы иаанагоз иасҳәеит гыршәала. Даара иџьасшьеит иахьа уажәраанӡагьы ахьӡ злеиқәхаз. Ус амҩан хәадак ыҟоуп, уахьыҩхало, дәҳәыԥш бзиак улаԥш иҵашәоит, уи ахьӡ Аџьажә ду ахьӡуп, аџь иадҳәалан. Уи иаанагозгьы издыруамызт, еиҭаганы иасҳәеит. Амҩан ҳахьықәыз аҭыԥ хьыӡқәа ииҳәоз аԥсышәала ицәажәоз маҷӡам. Иахьа уажәраанӡа еиқәхеит, рыҭҵаара аҭахуп", - ҳәа азгәеиҭеит Шьониа.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ҟаитан: Гал араион аҭоурыхтә баҟақәа зегьы ҿыц иҭҵаауп, ахсаалахь ииагоуп
Белла Қьецԥҳа Гал араион ашьаҭа зыркыз изкны: ақыҭанхамҩа инапы алакын