АҞӘА, ԥхынгәы 2 - Sputnik. Аҩнуҵҟатәи аусқәа рминистрра аекономикатә шәарҭадарази акоррупциа аҿагыларази аҟәша аусзуҩцәа агәаҭараҭҵаарақәа раан ишьақәдыргылеит ЗҲәА "АРС" Черпанов" адиректор закәаншьаҭада Аҳәынҭқарратә хьчара амаҵзура аусзуҩцәа абџьар шрааирхәоз. Абри атәы аанацҳауеит Аԥсны ААР асаит.
ЗҲәА "АРС" атәылахь абџьари аџьаԥҳани рыҭиразы иаланагалоит.
Уи адагьы, "агәаҭарақәа иаадырԥшит 2017 шықәса раахыс иахьанӡа ашәахтәшәара зықәнагаз 521 765 мааҭ ахашәала ЗҲәА "АРС" ишаҵәахыз. Убри ахашәала аҟынтәи анаҩс ахәцҵазы ашәахтә аҳасаб ала абиуџьет ахь инанашьҭит 53 нызқь мааҭ, ааимҭатә шәахтә аҳасаб ала – 95 нызқь мааҭ" ҳәа аҳәоит адырраҭараҿы.
Аекономикатә шәарҭадара аусбарҭа аматериалқәа Апрокуратура хадахь инанашьҭит.
Иара убас шәаԥхьар ҟалоит:
Миллионла аилагарақәа: Аԥсны ААР Гагра аломбардқәа ргәаҭара мҩаԥнагеит
Абџьар аныҟәгаразы азин зыҭоу рхыԥхьаӡара шәарҭоуп иҳәеит Аԥсны ААР аминистр