АҞӘА, ԥхынгәы 10 - Sputnik. Аԥсны ахада, Аԥсны арбџьармчқәа рыдҵаҟаҵаҩ хада Аслан Бжьани аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит ҳәа аанацҳауеит атәыла ахада ипресс-маҵзура.
Бжьаниа аҽазыҟаҵарақәа рымҩаԥысшьа бзиоуп ҳәа азгәеиҭеит.
"Аиҿкаара ҳарак аман имҩаԥысуеит ауснагӡатә. Архәҭақәа реинырра аус адулан. Избаз сгәы иахәеит. Атәыла анапхгара ԥхьаҟагьы асеиԥш иҟоу ҳарбџьармчқәа рырӷәӷәара иазырхоу аусқәа рымҩаԥгара адгылара арҭалоит", - иҳәеит атәыла ахада.
Мҽхакыҭбаалатәи аҽазыҟаҵаратә уснагӡатәқәа мҩаԥысуан аполигонқәа Нагвалоуи Ҵабали.
Иара убасгьы аҽазыҟаҵарақәа ирыцҵан Амшын еиқәа аԥшаҳәаҿы. Амотохысцәеи аҳауаҽацәыхьчаратә ҟәшақәеи, аԥшыхәцәеи, артиллеристцәеи ахыхьчаратәи ажәыларатәи усқәа аус рыдырулеит.
Иааидкыланы аҵара-ҽазыҟаҵарақәа ирылахәуп 3 нызқьҩык аруааи 300 ак арратә техникеи.
Иара убас шәаԥхьар ҟалоит:
Аԥсни Урыстәылеи реицҽазыҟаҵарақәа: ахықәкқәеи ахархәагақәеи