АҞӘА, ԥхынгәы 20- Sputnik, Сариа Кәарцхьиаԥҳа. Акоманда "Гәдоуҭа" Леонид Аргәын ихьӡ зху аҳәса рнапылампыл азы атурнир аҿы ииааит ҳәа Sputnik акорреспондент илзеиҭеиҳәеит аҿари аспорти русқәа рзы Аҳәынҭеилакы аҟазауаҩ Адгәыр Киут.
Аҩбатәи аҭыԥ ааннакылеит акоманда "Пицунда", ахԥатәи - акоманда "Гәдоуҭа ВААК".
Атурнир иалахәын акомандақәа быжьба. Ауснагӡатә еиҿыркааит Аԥсны аҿари аспорти русқәа рзы Аҳәынҭеилаки анапылампыл азы Аԥсны Афедерациеи.
Леонид Аргәын – РСФСР абаҩрҵәыратә культура зҽаԥсазтәыз аҟаза, СССР аспорт аҟаза, Москватәи агуманитартә университет абаҩрҵәыра акафедра адоцент.
70-тәи ашықәсқәа раан аус иуан Куба, Гаванатәи Абаҩрҵәыратә институт акафедраҿ анапылампыл арҵаҩы-аконсультантс. Иара инапхгарала анапылампыл азы адунеи ачемпионат аҿы кубатәи акоманда аиааира агеит.
Иара убас шәаԥхьар ҟалоит:
Ахацәа ркомандақәа рыбжьара анапылампыл азы аицлабрақәа мҩаԥысит