15:25 23 Цәыббра 2020
Ишиашоу ицо аефир
  • USD76.35
  • EUR89.25
Аԥсны
Икьаҿу ахьарԥш аиура
11 0 0

Атурнир иалахәуп акомандақәа ааба: Очамчыра, Тҟәарчал, Гагра, Гәдауҭа, Аҟәа араионқәеи Аԥсны иҟоу Урыстәыла АШәМ Аҳәаахьчаратә усбарҭеи ркомандақәа.

АҞӘА, ԥхынгәы 16 – Sputnik, Мариа Ефимова. Аԥсны ахацәа ркомандақәа рыбжьара анапылампыл азы ачемпионат хыркәшан ԥхынгәы 15 рзы.

Атурнир мҩаԥысуан Агәыӡератәи аспорт-рзҩыдаратә комплекс "Агәыӡера" аҿы.

Аихшьаалақәа рыла, актәи аҭыԥ ннакылеит Аҷандараа ркоманда, аҩбатәи – аҟәаа, ахԥатәи – Очамчыраа.

Акомандақәа ахраҿақәа, амедалқәа, аҳаҭыртә шәҟәқәа ранашьан.

Адам Царгәыш, Осман Чамагәуа, Данат Ҳагба (Аҷандара), Борис Чан-оӷлы (Очамчыра), Ҭемыр Гәниа (Аҟәа) иреиӷьу ахәмарыҩцәа ҳәа иалкааны, аԥхьахәқәа рыҭан.

Аԥсны абаҩрҵәыреи аспорти рзы аҳәынҭеилакы аспорттә ҟәша аиҳабы Жанна Занҭариаԥҳа лажәақәа рыла, ари аҩыза ауснагӡатә ланарԥшыга Гәылрыԥшь араион аҿы иҟамлацызт.

"Иааидкыланы, ачемпионат акыр иинтересын. Ариаҟара ахәаԥшцәа еизап ҳәа ҳақәгәыӷуамызт. Атурнир Агәыӡера ишымҩаԥаагозгьы, атәыла ақалақьқәа зегь рҟынтәи ахәаԥшцәа ҳзааит. Ари акарантин ашьҭахьтәи раԥхьатәи чемпионатуп. Зегь агәахәара ду ҳнаҭеит", - ҳәа лҳәеит лара.

Ачемпионат алахәылацәеи аиааирагаҩцәеи ирыдныҳәалеит Аԥсны Абаҩрҵәыреи аспорти рзы аҳәынҭеилакы ахантәаҩы ихаҭыԥуаҩ Беслан Қарчаа, Гәылрыԥшь араион ахада Аслан Бараҭелиа, Аԥсны Анапылампыл азы афедерациа ахада Баҭал Тапаӷәуа.

Гәылрыԥшь араион ахадараҟынтә атурнир ачемпионцәа иранашьан 500 аԥсар иҟоу абанкнота.

Иара убас шәаԥхьар ҟалоит:

Ихадоу атемақәа