АҞӘА, жьҭаара 13 - Sputnik. Аҳазалхырҭатә аушьҭырҭатә ҭыԥ "Адлер" аҿы аҳазалхратәи аҳәаахьчаратәу усзуҩцәа жьҭаара 10 рзы иааныркылеит автомашьына CITROEN XSARA PICASSO, иараҿы иҭаҵәахын 15 000 сигареҭ ҳәа аанацҳауеит Шәача аҳазалхырҭа апресс-маҵзура.
Агәаҭара алҵшәақәа рыла атранспорт хархәагаҿы иазгәаҭан иара аконструкциа иаҵанамкуаз аҭыԥ гәаҩара.
Ашьҭахьтәи атәарҭатә ҭыԥқәа анҭырга ашьҭахь адашьмаҿы агәаҩара ҭаҟаҵа аарԥшхеит. Уа иҭаҵәахын жәа-ҭоԥк рҟынӡа асигарет.
Аҳазалхырҭатә аушьҭырҭатә ҭыԥ "Адлер" аҿы аҳазалхратәи аҳәаахьчаратәи усзуҩцәа жьҭаара 10 рзы иааныркылеит автомашьына CITROEN XSARA PICASSO, иараҿы иҭаҵәахын 15 000 сигарет.
Амашьына аныҟәцаҩ, 20 шықәса зхыҵуа Аԥсны атәылауаҩ иҳәеит атауар Урыстәылаҟа аҭиразы ишигоз. Иҿы иқәшаҳаҭхеит заанаҵы аҵәахырҭатә ҭыԥ маӡа шазирхиаз.
Изакәаншьаҭадоу атауари амашьынеи имхуп. Аҭаҭын аалыҵ аекспертизахь инашьҭуп. Абри ахҭыс ала административтә зинеилагаразы (Урыстәыла АЗ ахәҭаҷ 16.1 ахәҭа 2, ахәҭаҷ 16.3) аусҭҵаара хацыркуп.