"Ачымазара ҿкы зыхьуа рхыԥхьаӡара даара ирацәахеит, Гәдоуҭатәи агоспиталь иахьазы иҭәуп, уахь ауаа ҳзымшьҭуа аҟынӡа ианыҟала, Аҟәа ақалақь ахада адҵа ҳаиҭеит астационартә клиникақәа рҟны аобсервациатә блокқәа раартра. Урҭ реиҿкаара уадаҩхеит, избанзар аремонт ҟаҵатәхеит, хәшәыла-маҭәахәыла аиқәыршәара аҭаххеит. Иацы аинфекциатә хәышәтәырҭа зегьы ачымазара ҿкы иаҵанакуа еиҿаҳкааит. Уа иҟоуп 30 ҭыԥ, иахьала ирыдыркылеит 23-ҩык ауаа, хҩык рчымазара бааԥсуп, урҭ дәықәаҳҵоит Гәдоуҭа агоспиталь ахь", - лҳәеит Воуԥҳа.
Лара иазгәалҭеит убасгьы Аҟәатәи ақалақьтә хәышәтәырҭа иахьаҵанакуа аиарақәа ҩажәа реиҿкаара азгәаҭаны ишрымоу иааиуа жәамш рыҩнуҵҟа.
Шәазыӡырҩы аудио. Шәазҿлымҳаз арадио Sputnik Аԥсны.
Иара убас шәаԥхьар ҟалоит:
Хра злоу ахҭысқәа: Воуԥҳа COVID-19 аганахьала аҳҭнықалақь аҿы иҟоу аҭагылазаашьазы
Гәниа COVID-госпиталь аҿы аҭагылазаашьазы: даара ицәгьахеит