07:58 23 Жьҭаара 2020
Ишиашоу ицо аефир
  • USD77.08
  • EUR91.36

Гәниа COVID-госпиталь аҿы аҭагылазаашьазы: даара ицәгьахеит

Арадио
Икьаҿу ахьарԥш аиура
201940

Аҟәатәи ақалақьтә хәышәтәырҭа аурологиатә ҟәша аиҳабы, аҳақьым Асҭамыр Гәниа мчыбжьык Гәдоуҭатәи агоспиталь аҿы аус уны иҷаԥшьара ихигеит. Арадио Sputnik аефир аҿы иара еиҭеиҳәеит ахәышәтәырҭаҿы аҵәыҵәри еиқәыршәаразы иҟоу ауадаҩра ихадароу азҵаарақәа ишраԥхьагылоу.

Гәниа COVID-госпиталь аҿы аҭагылазаашьазы: даара ицәгьахеит

"Уажәтәи аамҭазы Гәдоуҭатәи ахәышәтәырҭаҿы акомпиутертә томограф аус ахьамуа аҵкыс иаҳа ихадоу ауадаҩрақәа ыҟоуп. Иаҳҳәап, ареанимациа аҟәшаҿы аҵәыҵәри анагара. Абаллонқәа рххо, ирҳәазо, уахык ала изныкым, иҩынтәым, урҭ напыла ирыԥсахуеит аҳақьымцәа. Ари азҵаара иаҳа ихадароуп. Акомпиутертә томограф ачымазара адиагноз ақәыргылараҿы ихадароуп, аха уи арентгени анализи рыла ишьақәургыларгьы алшоит", - ҳәа еиҭеиҳәеит Гәниа.

Измааноу сыздыруам, аха ирацәаҩны ачымазара аҽацәыхьчаразы иаԥҵоу аԥҟарақәа ирықәныҟәаӡом, уи моу иагьхарҵом ҳәа азӷәеиҭеит аҳақьым аиҿцәажәараан.

"Абыржә саныҟаз ауха асааҭ хԥа рзеиԥш инаргеит ҭаацәаныла ачымазаҩцәа, раб цәгьала дыҟан, абыржәаанӡа ачымазара агәра шырымгоз атәы рҳәеит. Ауаа ачарақәа руеит, асабрадақәа рҿарҵом, ирзеилымкаауама, измааноу сыздыруам, аиашазы. Ирацәаҩны ишьҭан ачымазара хазымҵо, хаҵакгьы, цәгьала иԥсы еиқәҳархеит, иансарҳәоз ихасҵарауааз ҳәа иҳәон. Абас акы уақәшәаанӡа ухы хәыҷык иԥхьаукыр иаҳа еиӷьуп. Ишахәҭоу унапы уӡәӡәар, асабрада уҿауҵар, ухы ԥхьаукыр… Уи, ҳәарада, зегьы ирыхьроуп, аха зегьы еицрыхьыр, зегьы ирцәыцәгьахоит", - ҳәа азгәеиҭеит Гәниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

Ихадоу атемақәа