АҞӘА, ԥхынҷкәын 21 - Sputnik. Аҟәа аӡымҩангагақәа рышьҭаҵараз ахыркәшаратә усурақәа ирҿуп. Аԥсны асоциал-економикатә ҿиараз Аинвестициатә программа аҳәаақәа ирҭагӡаны аӡымҩангагақәа ԥсахуп Гәлиа, Џьонуа, Абазақәа рымҩаҿы. Уажәы урҭ амагистралтә цәаҳәақәа ирԥыршьуеит.
Аҟәа аӡымҩангагақәа рышьҭаҵараз ахыркәшаратә усурақәа ирҿуп
© Sputnik / Томас Тхайцук
Аусурақәа зегьы мышкы ахы-аҵыхәала имҩаԥгахоит ақалақьуаа аӡазы еиламхарц.
Аусура аплан иалацәажәан ииасыз амчыбжь азы аҳҭнықалақь ахадараҿы.
Аҟәа аӡымҩангагақәа рышьҭаҵараз ахыркәшаратә усурақәа ирҿуп
© Sputnik / Томас Тхайцук
Гәлиа, Џьонуа, Дбар, Воронова, Лакоба, Коӷониа, Басариа, Абазинскаиа, Арӡынба амҩақәа реихысырҭақәа ҩеижәа рҿы аӡымҩангагақәеи амагистралтә цәаҳәақәеи еиԥыршьраны иҟоуп.
Аҟәа аӡымҩангагақәа рышьҭаҵараз ахыркәшаратә усурақәа ирҿуп
© Sputnik / Томас Тхайцук
Арҭ аусурақәа ирхырҟьаны ашәахьаҽны ауаажәларратәи ахатәи транспорт рныҟәара ркьаҿуп. Аӡы ауааԥсыра рыҭара ԥкуп. Аџьармыкьа хадеи ааигәа-сигәа иҟоу адәқьанқәеи аус руам.