АҞӘА, жәабран 9 - Sputnik, Сариа Кәарцхьиаԥҳа. Гали Очамчыреи рраионқәа лашарада иаанхеит авольтҳарак цәаҳәа "Кавкасиони" арцәара иахҟьаны ҳәа Sputnik иазеиҭеиҳәеит "Амшынеиқәафымцамч" адиспетчертә маҵзура аиҳабы Гәырам Џьаџьаиа.
Жәабран 9 ашьыжь авольтҳарак цәаҳәа "Кавкасиони" ырцәан Урыстәыла аҵакыраҿы авариа ахьыҟалаз азы. Авариа амзызқәа макьаназ еилкаам.
Џьаџьаиа иажәақәа рыла, абри иахҟьаны Аԥсны афымцамч адефицит 40-50 мегаватт иҟоуп. Аусбарҭаҿы аамҭа-аамҭалатәи алашара арцәара алагалара иазхәыцуеит, авариа аҭыԥ иқәҵахаанӡа.
"Аграфик шьақәыргылам, аха аус адулара иаҿуп. Уажәы Очамчыра араион лашарала аиқәыршәара ҳҽазаҳшәоит", - ҳәа иҳәеит иара.
Аԥсны Урыстәылантәи афымцалашара аиура иалагеит жәабран 11 раахыс.
Иара убас шәаԥхьар ҟалоит: