АҞӘА, ԥхынҷкәын 11 - Sputnik. Урыстәылантәи Аԥсныҟа афымцалашара аарышьҭуа иалагеит ԥхынҷкәын 11 инаркны, абри атәы аанацҳауеит Аԥсны аекономика апресс-маҵзура.
Аҟәа, еиԥмырҟьаӡакәа афымцалашара аиура алыршахоит астанциа маҷ "Аҟәа-1" аҿы иҟаз амцакра ахҟьаԥҟьақәа раԥыхразы имҩаԥырго аусурақәа рышьҭахь.
Уаанӡа Аԥсуа телехәаԥшра аефираҿы "Амшынеиқәафымцамч" адиспетчертә маҵзура аиҳабы Гурам Џьаџьаиа иҳәахьан, Џьуартәи аӡеизакырҭаҿы аӡы аҩаӡара 420 метра рҟынӡа илаҟәыр, урыстәылатәи алашара х-ҳауатә цәаҳәак: 500, 220, 110 киловольт рыла агара ҳақәшәоит ҳәа.
Аԥсны иахьаҵанакуа аамҭа-аамҭала афымцалашара арцәара аграфик алагалан абҵара 15 рзы. Аханатә ҩба-ҩба сааҭ хынтә идырцәон. Абҵара 21 рзы ари аамҭа ԥшь-сааҭк рҟынӡа иларҟәын. Аԥсны афымцалашара арцәара аамҭа ԥшь-сааҭк рҟынтәи ҩ-сааҭк рҟынӡа иркьаҿын абҵара 26 инаркны.
Атәыла афымцамч система аидара аҵхра алыршахеит закәаншьаҭада ацәаҳәақәа рҽахьаԥыршьуаз аҭыԥқәа раарԥшра.
Иара убас шәаԥхьар ҟалоит:
- "Амшынеиқәафымцамч": Аԥсны техникала иазыхиоуп Урыстәылантәи афымцалашара адкылара
-
"Амшынеиқәафымцамч" аҿы еиҭарҳәеит ЕгрыГЕС аҟны аӡы аҩаӡара шшәарҭоу
