Арадио

Лакәиа аҳәажьы азы: пату ақәысҵом, аха аԥсшьаҩцәа ҳаалыҵ рыдаҳгалар еиӷьуп, анҭыҵтәи аасҭа

Лыхны зыргылара хыркәшоу аҳәақәа рааӡарҭа аферма аԥшәма Анри Лакәиа арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит уадаҩрас ирымоу, шаҟаҩы усурҭала еиқәдыршәар рылшоз атәы.
Sputnik
Лакәиа аҳәажьы азы: пату ақәысҵом, аха аԥсшьаҩцәа ҳаалыҵ рыдаҳгалар еиӷьуп, анҭыҵтәи аасҭа

"Аргылара ҳалагеижьҭеи 4 шықәса ҵуеит. Иҳаргылеит, аха иҵегьы иадҳәалоу кәамаҵамақәак ыҟоуп, ҳаизибамырхеит. Шьҭа ҩбаҟа шықәса ҵуеит ус игылоуп ахыбра, акгьы ҟаҳамҵацт. Аус иацаҳҵап ҳәа ауп. Ашьарақәа аахәатәуп, арахә ршьырҭа ргылатәуп, акәац ахьеиҿырхуа ҟаҵатәуп, афатәгьы аахәатәуп. Зыжәла бзиоу ашьарақәа раахәаразы 7-8 нызқь мааҭ аҭахуп хык. Хәымз-фымз рыла 100 кьылак рҟынӡа акәац унаҭоит зыжәла бзиоу аҳәаҵыс. Аус алагаразы 1000 инареиҳаны ашьарақәа аахәатәуп", - иҳәеит Лакәиа.

Шәазыӡырҩы аудио.