АҞӘА, ԥхынгәы 9 - Sputnik. Ԥхынгәы анҵәамҭазы - нанҳәа алагамҭазы Аԥсныҟа акоронавирус аҟынтәи урыстәылатәи алаҵа даҽа партиак аарышьҭуеит ҳәа ҳазыԥшуп иҳәеит Аԥсны ахада Аслан Бжьаниа, Аԥсуа телехәаԥшра иаиҭаз аинтервиу аҿы.
Иара иазгәеиҭеит Аԥсны Урыстәылатәи Афедерациа аиҳабыра рахь уи азы азыҳәа шынанашьҭхьоу, урыстәылатәи агангьы адгылара ҟанаҵоит ҳәа азгәанаҭахьеит.
"Абри аҵыхәала ԥхынгәы 12 рзы Москва Ииашоу аинвестициақәа рзы Урыстәылатәи афонд аҟны аилатәара мҩаԥысраны иҟоуп. Ҳара ҳарзаҳалқәа аԥхьа ишьҭоуп, сақәгәыӷуеит ԥхынгәы иалагӡаны, уи анҵәамҭеи ма нанҳәа алагамҭеи рзы даҽа партиак алаҵа ҳауеит ҳәа", - иҳәеит ахада.
Бжьаниа иара убас адырра ҟаиҵеит ихаҭагьы алаҵа ҟаиҵарц игәы ишҭоу, аха еиуеиԥшым амзызқәа ирыхҟьаны макьана иҟаиҵар ҟалом, аҳақьымцәа дшақәиҭыртәлак еиԥш, иҟаиҵоит ҳәа инаҵишьит иара.
Алаҵаҟаҵаратә кампаниа Аԥсны иалагеит лаҵара 11 рзы. Ауаа ирыларҵоит урыстәылатәи алаҵа "Спутник V". 6,5 нызқь доза иҟаз актәи апартиа атәылахь иааган мшаԥымза анҵәамҭазы.