АҞӘА, ԥхынгәы 17 - Sputnik. Аҟәа иҟалаз аиҿахысра иахҟьаны рыԥсҭазаара иалҵит Руслан Гәыдалиеи Беслан Ӡыбеи, абри атәы аанацҳауеит Аԥсны ААР апресс-маҵзура.
Аусбарҭа адыррақәа рыла, аиҿахысра ҟалеит асааҭ 19:54 рзы, цәыббра 30 амҩа, №8 аҩны аҿаԥхьа.
Ихәыз хҩык ацхыраара рыҭаразы Ареспубликатә хәшәтәырҭахь инаган.
Гәдалиеи Ӡыбеи иаразнак рыԥсҭазаара иалҵит, Аслан Зыхәба ареанимациа аҟны дышьҭоуп, иԥсеиқәырхара иаҿуп.
Аҭыԥ аҟны аус руеит Аԥсны ААР ашьаусԥшаара-оперативтә гәыԥи аексперт-криминалисттә центр аспециалистцәеи. Имҩаԥыргоит ари ацәгьоура иалаҟьашьу ахаҿқәа рыԥшааразы ауснагӡатәқәа.