"Аҳәаа анаркыз аамҭазы аусуцәа ҳазхаӡомызт. Уи иаҳныԥшит, ҳәарада. Изныкымкәа аӡыргара ҟаҳҵеит ауаа ҳадаҳкыларц ҳҭахын, аусура зҭаху ауалафахәу арбаны. Аха иадҵаалоз ҟамлаӡеит. Аӡәык-ҩыџьак неит, ираҳҳәеит аусура шыҟоу, ауалафахәу ираҳҭо, аха изҭаххаз зынӡа имаҷхеит. Ауалафахәы 21 000 мааҭ инаркны 25 000 рҟынӡа инаӡоит. Асааҭ 6 инаркны 11-нӡа ашьыжь аус руеит. Нас асааҭ 2 инаркны 6 рҟынӡа аус руроуп. Ари есыҽны, амҽышала заҵәык аламҵакәа. Амҽышала – аусуцәа рҽырыԥсахуеит. Аусбарҭа аҿы иааидкыланы 25-ҩык ҳара ҳауаажәлар ыҟоуп, 30-ҩык - амигрантцәа роуп. Дара идырҳауа аиҳарак аҩныҟа рҭаацәа рахь ирышьҭуеит, ҳәарада уи аекономика ианымԥшыр залшом", - ҳәа иҳәеит Кур-иԥа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.