АҞӘА, цәыббра 29 - Sputnik. Аԥсны ЕАЕС атауартә номенклатура напхгагас иҟанаҵоит. Абри азы цәыббра 29 азы имҩаԥысуаз аилатәараҿы ақәҵара аднакылеит Аминистрцәа реилазаара.
Аԥыза-министр ихаҭыԥуаҩ, аекономика аминистр Кристина Озган лажәақәа рыла, апроект аԥшьгоуп Урыстәылеи Аԥсни рзеиԥш социал-економикатә ҵакыра аиҿкааразы апрограмма анагӡара апроект аҳәаақәа ирҭагӡаны.
"Ари программатә уснагӡатәуп. Аха Аҳазалхратә еилакы иҷыду уснагӡатәқәак мҩаԥнагараны иахьыҟоу (апроцессқәа равтоматизациа, апрограмматә еиқәыршәара) инадҳәаланы апроект иазыԥхьагәанаҭоит амчра аиуразы изнахоу аҿҳәара. Шықәсык ҳамоуп аҽазыҟаҵаразы", - лҳәеит Озган.
Адокумент инақәыршәаны Аҳазалхратә еилакы иахәҭоуп:
- Аԥсны аҳазалхратә усбарҭақәа русураҿы атауартә номенклатура ахархәаразы ихымԥадатәиу апрограмматә хархәагақәа рзы атехҭахрақәа рҳәаақәҵара;
- 2022 шықәса ԥхынгәы 1 азынӡа Аминистрцәа реилазаарахь инашьҭызароуп аус рыдуланы Аԥсны аҳазалхратә ҳәаа ахысра ҳәаақәызҵо анормативтә зинтә актқәа рҿы аԥсахрақәа.
Абри азы 2002 шықәса жәабран 28 азтәи Аминистрцәа реилазаара ақәҵара амчра ацәыӡны иԥхьаӡоуп.
Ақәҵара ахылаԥшра анапы ианҵоуп Аԥсны Аҳазалхратә еилакы.