АҞӘА, жьҭаара 3 - Sputnik. Аԥсны Ауаажәларратә палата алахәыла, еицырдыруа аԥсуа журналист Руслан Ҳашыг Азинхьчаҩцәеи, Апарламент адепутат Гарри Кокаиеи, аӡҩыбжьатәи аибашьра аветеранцәеи рыбжьара иҟалаз аимак ахҳәаа аиҭеит.
Аԥсны Апрокуратура хада агәаҭара мҩаԥнагоит цәыббра 30 ауха иҟалаз ахысра инамаданы. Ашьаусԥшаара аверсиала, Апарламент адепутат Гарри Кокаиа уи ауха аҳауахь дхысит, иара убас апрокуратура азинтә хәшьара анаҭароуп аҭыԥ ахь инеиз азинхьчаҩцәа рхымҩаԥгашьа.
"Аԥсны иарбанзаалак аимак акризис ахь икылнагоит. Атәыла аиҳабыра иақәнагоу аӡбамҭақәа ианаамҭоу ианрыдрымкылалак, акризис аҳәынҭқарразы ишәарҭахоит. Уи ус шакәу аилкааразы аҿырԥштәқәа ҳбоит аҵыхәтәантәи ҩажәашықәса раахыс ҳзықәшәақәахьоу ҳанрыхәаԥшлак", - ҳәа Facebook аҿтәи идаҟьаҿы Ҳашыг.
Уажәтәи аҭагылазаашьазы, атәыла аиҳабыра амахәҭақәа ҩба рхаҭарнакцәа аимак ианалахәха, ааха зауз рхыԥхьаӡараҿы аибашьра аветеранцәа аныҟала, абжьааԥны иҟаҳамҵац ҟаҳҵароуп ҳәа иԥхьаӡоит ауаажәларратә усзуҩ.
Иара убас иазгәеиҭеит абарҭ рҩызцәа ахҭысқәа раан ауаажәларра рыбжьара изхароуи изхарами реилыргара ишалаго.
Анаҩс Ҳашыг аполитикатә ҭагылазаашьа еиҳагьы еицәамхартә азы, аусҭҵаара обиективла ишымҩаԥысуа ауаа ихарҵарц азы акымкәа-ҩбамкәа ажәалагалақәа ҟаиҵеит:
Ажурналист иазгәеиҭеит аҳәынҭқарра иахәо ҟарҵар рҭахызар, "абарҭ ашьаҿақәа иацгьы иҟаҵатәын", аха иахьагьы макьана ихьшәаӡам, атәыла ашәарҭадара азҵаара хшыҩзышьҭра ауҭозар.