АҞӘА, жьҭаара 4- Sputnik. Адепутатцәа Гарри Кокаиеи Алмасхан Арӡынбеи Апарламент ахь инеиит изаамҭанытәим асессиа алахәхаразы ҳәа ааицҳауеит Sputnik акорреспондент.
Асессиаҿы иахәаԥшраны иҟоуп Адепутатцәа Гарри Кокаиеи Алмасхан Арӡынбеи злахәыз ахҭыс.
Апарламент адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак аҭыԥ аман цәыббра 30 ауха.
Абри аганахь ала Апрокуратура хада аусҭҵаара иаҿуп.
Цәыббра 30 ауха Апарламент адепутат Алмасхан Арӡынба Аԥсны ААР ахыбрахь днеины закәаншьаҭада имаз автомат "Калашников" ала ахысра далагеит, анаҩс аҭыԥ аҟынтәи дыбналеит.
Аусҭҵаара мҩаԥысуанаҵы ахҭыс иалахәыз амилициа аусзуҩцәа аамҭала рмаҵурақәа ирымхәуп.
Аԥсны ахада Аслан Бжьаниа Москва иусутә визит аанкыланы Аԥсныҟа дхынҳәит Аҟәа аԥшаҳәаҿы цәыббра 30 рзы иҟалаз аимак аҵыхәала. Иара иарку аилацәажәара мҩаԥигеит. Аԥсны аҩнуҵҟатәи аусқәа рминистр Дмитри Дбар атәыла ахада диҳәеит ахҭыс аҭҵаара иахьынӡаҿу имаҵураҟынтә ихы дақәиҭитәырц. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
Жьҭаара 3 рзы АРСМИРА имҩаԥысуаз аветеранцәа руаажәларратә еиҿкаара "Аруаа" анапхгаҩы Ҭемыр Гәлиа ашәахьа, жьҭаара 4 асааҭ 11:00 рзы ауаа Апарламент аҿаԥхьа еизарц аҳәамҭа ҟаиҵеит.
Аԥсны ахада Аслан Бжьаниа аиҳабыратә хыбрақәа жьҭаара 4 рзы ршәарҭадара рӷәӷәазарц.